"Neftçi"nin baş məşqçisi Samir Abasov komandasının mövcud durumunu dəyərləndirib.
Sportinfo.az xəbər verir ki, o, mövsümün ikinci hissəsinə 100 faiz hazır olmadıqlarını vurğulayıb:
"Amma bu, bizi qorxutmur. Əlimizdə olan keyfiyyətli futbolçuların bunun öhdəsindən gələ biləcəklər. Sadəcə, pandemiya ilə bağlı çempionatın yanvarın 21-də başlaması işimizə həddindən artıq maneə törətdi.
Çünki yeni komandayıq və burada yeni baş məşqçi var. Futbolçulara nələrisə deməlisən, onlar da bunu qavramalıdır. Bunu isə yoldaşlıq matçlarında həyata keçirməlisən, amma vaxtımız yoxdur".
