Azərbaycan millisini çalışdırmağa namizədlərdən olan Eusebio Di Françesko karyerasını Türkiyədə davam etdirə bilər.
Sportinfo.az “Fotomac”a istinadən xəbər verir ki, italiyalı mütəxəssis “Fənərbaxça” ilə razılığa gəlib.
Türkiyə mətbuatı daha öncə Di Françeskonun İstanbul təmsilçisinə konkret cavab vermədiyini yazmışdı. Buna səbəb onun millimizi çalışdırmaq üçün AFFA-dan təklif alması idi.
Ancaq bu gün təcrübəli mütəxəssisin “Fənərbaxça” ilə razılığa gəldiyi bildirilir. Di Françeskonun son işi yeri “Sampdoria” klubu olub.
