“Rekordu yenilədik, kollektiv olaraq xal rekorduna imza atdıq.
Bununla bağlı çox xoşbəxtik. Mənim də bu uğura töhfə verməyim sevindiricidir. Komandamız adından da çox şadam”.
Sportinfo.az xəbər verir ki, bu sözləri U-21 millisinin yarımmüdafiəçisi Nihad Əhmədzadə deyib.
O, Avropa çempionatının seçmə mərhələsində evdə Cəbəllütariqi 3:0 hesabı ilə məğlub etdikləri qarşılaşmanı belə dəyərləndirib:
“Yaxşı oyun keçirdik və qələbə qazandıq. İlk qolu mən vurdum. Komandaya töhfə verdiyim üçün ayrıca sevinirəm”.
Əhmədzadə milli komandada fasilənin uzun çəkməsinin futbolçulara müsbət təsir edəcəyini bildirib:
“Milli komanda fasiləsi bir qədər uzun çəkdi. Məncə, bu, futbolçulara yaxşı təsir edəcək.
Çünki biz milli komandanı təmsil edirik. Düşünürəm ki, belə fasilə hər bir idmançı üçün müsbət təsir göstərməlidir”.
