Azərbaycan millisinin futbolçusu Pavel Paşayevin çıxış etdiyi "Aleksandriya" koronavirusla mübarizədə yerli xəstəxanalara dəstək olub.
Sportinfo.az xəbər verir ki, "Aqrovista" şirkətinin də maliyyə yardımı ilə klinikalar üçün 1 200 litr tibbi spirt, 10 min maska, 7 min əlcək, 100 ədəd xüsusi qoruyucu geyim dəsti və 500 respirator alınıb.
500 min qriven (təqribən 20 min ABŞ dolları) xərclənən qoruyucu vasitələrin bir hissəsi artıq Priutovski kənd şurasına təhvil verilib. Yaxın gələcəkdə tibbi avadanlıqların vahid ərazi birliyinin tibb müəssisələrinə paylanacağı bildirilib.
"Aleksandriya" daha əvvəl Kirovoqrad vilayətindəki üç tibb müəssisəsi üçün süni nəfəs aparatı alıb.
