Azərbaycan Respublikası Milli Paralimpiya Komitəsi də Koronavirusla Mübarizəyə Dəstək Fonduna pul köçürüb.
Qurumdan Sportinfo.az-a verilən xəbərə görə, Azərbaycanda ölkə ictimaiyyəti koronavirus infeksiyası ilə mübarizə tədbirlərinin gücləndirilməsi məqsədilə yaradılmış Koronavirusla Mübarizəyə Dəstək Fonduna könüllü ianələr edir.
Azərbaycan Respublikası Milli Paralimpiya Komitəsinin rəhbərliyi də bir aylıq əmək haqqını Fonda köçürüb. Komitənin prezidenti İlqar Rəhimov, vitse-prezidentlər İlham Zəkiyev, Yaşar Hacıyev və baş katib Kamal Məmmədovun bir aylıq əmək haqqı sözügedən Fonda ianə edilib.
