"Beşiktaş"ın qapıçısı Loris Kariusun sevgilisi Sofia Tomalla alman qapıçı ilə münasibətlərindən danışıb. Sportinfo.az xəbər verir ki, cazibədar model Almaniyanın "RTL" telekanalına müsahibəsində qolkiperin olduqca sərt və aqressiv olduğunu bildirib:
"Kariusun bu cəhəti çox xoşuma gəlir. Belə kişilər hər zaman məni cəlb edir. Bəzən qapını üzümə çırpıb, bir neçə saatdan sonra məni axtarır. Bu isə çox xoşuma gəlir.
İndiki vaxtda belə kişi tapmaq çətindir. Elə qadınlar var ki, bu cür kişilərin olmadığına sevinir. Mən isə fərqli düşünürəm".