UEFA-nın baş katibi Teodor Teodoridis Avro-2020-nin A qrupu çərçivəsində iyunun 20-də Bakı Olimpiya Stadionunda keçirilmiş İsveçrə - Türkiyə qarşılaşmasını arenadan canlı izləyib.
Sportinfo.az xəbər verir ki, bu gün AFFA-nın icraçı vitse-prezidenti Elxan Məmmədov Teodoridislə görüşüb. Görüşdə Avro-2020-nin Bakıda keçirilən oyunları ilə bağlı müzakirələr aparılıb. UEFA rəsmisi təşkilatı işlərdən məmnunluğunu ifadə edib.