.jpg)
Müqavilə ilə “Sevilya”ya məxsus, 2019-cu ilin sentyabrında "Atalanta"ya icarəyə verilən Simon Kyaer “Milan”a keçib.
Sportinfo.az xəbər verir ki, danimarkalı müdafiəçinin mövsümün qalan hissəsini Milan klubunda keçirəcəyi dəqiqləşib.
Oyun praktikasından əziyyət çəkən Danimarka millisinin 31 yaşlı kapitanı geridə qalan müddətdə Berqamo təmsilçisində yalnız 6 oyun keçirib. O, bu gün "rossyonerlər"lə rəsmi müqavilə bağlayıb.
Kyaer “Palermo”, “Volfsburq”, “Roma”,”Lill” və “Fənərbağça"da forma geyinib. 2017-ci ildən "Sevilya"nın futbolçusudur. Andalusiyalıların heyətində 46 dəfə meydana çıxıb.
