“Yuventus”un yarımmüdafiəçisi Adrien Rabio klubdan yeni müqavilə təklifi alıb.
Sportinfo.az “La Gazzetta dello Sport”-a istinadən xəbər verir ki, fransız futbolçunun müqaviləsi bir aya başa çatır, lakin “qoca sinyora”nın rəhbərliyi onunla əməkdaşlığı davam etdirməkdə maraqlıdır.
“Yuventus” Rabioya illik 7,5 milyon avro maaşla üç illik müqavilə təklif edib. Futbolçudan tezliklə cavab verməsi gözlənilir.
Adrien Rabio 2019-cu ildən Turin klubunda çıxış edir.
