“İnter” rəhbərliyi müdafiəçi Federiko Dimarko ilə bağlı qərar verməyə hazırlaşır.
Sportinfo.az xarici KİV-ə istinadən xəbər verir ki, Milan klubu əvvəlcə italiyalı futbolçunun müqaviləsində yer alan müddətin uzadılma şərtini aktivləşdirməyi, daha sonra isə yeni anlaşma imzalayaraq, əməkdaşlığı 2030-cu ilin yayına qədər davam etdirməyi planlaşdırır.
Dimarko 2018-ci ilin iyulundan “İnter”in formasını geyinir və onun hazırkı müqaviləsinin müddəti 2027-ci ilin 30 iyununa qədərdir. Klubun müqavilənin müddətini daha bir il uzatmaq imkanı da mövcuddur.
28 yaşlı müdafiəçi cari mövsümdə yüksək performansı ilə seçilir. O, bütün turnirlərdə 43 oyunda iştirak edib, 7 qol vurub və 18 məhsuldar ötürmə verib.
Dimarko həmçinin, İtaliya çempionatında bir mövsümdə 16 məhsuldar ötürmə rekordunu təkrarlayıb.
