“Yuventus”un “Barselona”nın hücumçusu Robert Levandovski ilə maraqlandığı bildirilir.
Sportinfo.az “La Gazzetta dello Sport”-a istinadən xəbər verir ki, Turin təmsilçisi artıq polşalı futbolçunun ətrafı ilə ilkin danışıqlar aparıb.
Hazırda klub 36 yaşlı forvardın fiziki durumu, oyunu və motivasiyasını daha dərindən qiymətləndirməyi planlaşdırır.
Levandovski “Barselona”ya 2022-ci ildə “Bayern”dən 45 milyon avro qarşılığında transfer olunmuşdu. Onun müqaviləsinin müddəti bu ilin iyununa qədərdir.
O, cari mövsümdə Kataloniya təmsilçisinin heyətində 37 oyuna çıxıb, 16 qol vurub və 3 məhsuldar ötürmə verib.
