“Yuventus”un hücumçusu Duşan Vlahoviç “Milan”ın transfer siyahısında qalmaqda davam edir.
Serbiyalı artıq gələn yay azad agent ola bilər, çünki onun turinlilərlə müqaviləsinin müddəti başa çatacaq.
Sportinfo.az xarici KİV-ə istinadən xəbər verir ki, “Milan” rəhbərliyi Vlahoviçin transferi üzərində aktiv şəkildə çalışır. “Qırmızı-qaralar” artıq onun agenti ilə görüş keçiriblər.
Bildirilir ki, bu transferdə “Milan”ın idman direktoru İqli Tare şəxsən maraqlıdır.
25 yaşlı futbolçu cari mövsümdə 17 oyunda iştirak edib, 6 qol vurub və 2 məhsuldar ötürmə verib.
Noyabrın sonunda zədələnən hücumçunun marta qədər yaşıl meydanlardan kənarda qalacağı gözlənilir.
