.jpg)
İtaliya millisinin və “Yuventus”un sabiq futbolçusu Alessandro Del Pyeronun 17 yaşlı oğlu Tobi Del Pyero “Sanremeze” klubuna transfer olunub.
Bu komanda İtaliya çempionatının dördüncü səviyyəli liqası olan D Seriyasını təmsil edir.
Sportinfo.az xəbər verir ki, tərəflər arasında müqavilənin imzalanması barədə məlumatı “Sanremeze”nin mətbuat xidməti öz rəsmi səhifələrində yayıb.
Gənc hücumçu ilə bir illik müqavilə bağlanıb.
Ata Del Pyero 2015-ci ildə peşəkar futbolçu karyerasını başa vurub. O, İtaliya millisində dünya çempionluğu (2006), eləcə də, “Yuventus”dakı çıxışı ilə futbol tarixində öz yerini tutub.
