“Yuventus”un və İtaliya yığmasının müdafiəçisi Leonardo Bonuççi peşəkar karyerasını başa vurduqdan sonra məşqçiliyə başlaya bilər.
Sportinfo.az xəbər verir ki, bunu futbolçunun xanımı Martina Makkari deyib.
O, həyat yoldaşının futboldan uzaqlaşmayacağını söyləyib:
“Leonardonun futbolda qalacağına şübhəm yoxdur. Bu, onun həyatıdır. O, futbol sahəsini sevir və məşqçi olmaq istəyir”.
Bonuççi 2005-ci ildə “İnter”də debüt edib, iki il sonra klubdan ayrılıb. Milan klubundan sonra o, “Treviso”, “Pisa” və “Bari” klublarında oynayıb.
2010-cu ildən İtaliya millisinə çağırılan futbolçunun “Yuventus”la müqaviləsi 2024-cü ilin yayına kimi nəzərdə tutulub.