Karyerasını İtaliyanın “Peruca” klubunda davam etdirən Raul Yaqubov sportal.az-a açıqlama verib.
Bir müddət əvvəl zədə səbəbindən məşqlərdən uzaq qalan gənc futbolçu İtaliyadakı durumundan və oradakı məqsədlərindən söz açıb.
Sportinfo.az xəbər verir ki, yarımmüdafiəçi İtaliya A seriyasında oynamaq istədiyini deyib:
"Uzun müddət sonra oyuna çıxdım. U-19 komandamızın heyətində C seriyasından bir klubla yoxlama görüşü keçirdik, hər şey yaxşı alındı.
Bizim U-19 komandası hazırda öz həmyaşıdları arasında keçirilən B seriyasında oynayır. Mən də komandaya qoşulmuşam və çempionat matçlarında oynamaq istəyirəm.
İtaliyada qalmaq və karyerama burada davam etmək niyyətindəyəm. Təbii ki, məqsədim İtaliya A seriyasında oynamaqdı.
Ümidvaram ki, bunu bacaracağam. Klubumda da işlər qaydasında gedir”.