“Tottenhem”in müdafiəçisi Kristian Romero “Atletiko”ya keçməyə yaxındır.
Sportinfo.az xarici KİV-ə istinadən xəbər verir ki, 28 yaşlı futbolçu Madrid klubu ilə müddəti 2030-cu ilin yayına qədər olan müqavilə imzalamaq barədə razılığa gəlib.
Anlaşmaya müddətin daha bir il uzadılma bəndinin də daxil ediləcəyi bildirilir.
Romero “Atletiko”da mövsümə 6 milyon avro maaş alacaq.
Hazırda klublar transferin son detallarını razılaşdırırlar. Tərəflərin keçidin baş tutacağına əmin olduğu qeyd edilir.
Argentinalı 2022-ci ildən “Tottenhem”də çıxış edir. O, ötən mövsüm bütün turnirlərdə 32 matçda iştirak edib, 6 qol vurub və 4 məhsuldar ötürmə verib.
