“Barselona” “Atletiko”nun hücumçusu Xulian Alvaresin əvəzinə “Bornmut”un forvardı Eli Junior Krupinin transferini nəzərdən keçirir.
Sportinfo.az xəbər verir ki, bu barədə “Bild” nəşri məlumat yayıb.
Kataloniya klubunun baş məşqçisi Hans-Diter Flik fransalı hücumçu ilə maraqlanır.
“Bornmut”un futbolçusu üçün 80 milyon avrodan çox tələb etdiyi bildirilir. Klubun bu tələbi Krupinin ağır zədə keçirməsinə baxmayaraq, irəli sürdüyü qeyd olunur.
“Barselona”nın transfer siyahısında həmçinin, Harri Keyn (“Bayern”), Seru Qirassi (“Borussiya”, Dortmund) və Aleksander Sörlotun (“Atletiko”) adları yer alır.
Krupiyə gəlincə, 20 yaşlı futbolçu ötən mövsüm bütün turnirlərdə 35 oyuna çıxıb və 13 qol vurub.
