“Barselona”nın baş məşqçisi Hans-Diter Flik hücumçu Rafinya Diasın komanda üçün əhəmiyyətindən danışıb.
Sportinfo.az “Barsa Universal”-a istinadən xəbər verir ki, almaniyalı məşqçi bunu söyləyib:
“Rafinya mənim üçün ən vacib oyunçulardan biridir. O, oyunumuza enerji və intensivlik gətirir, tam olaraq ehtiyac duyduğumuz şey budur”.
Braziliyalı futbolçu 2025/26 mövsümündə zədələr səbəbindən çətinliklər yaşayıb.
O, bu yay keçirilən dünya çempionatında da eyni səbəbdən Braziliya millisində tam gücü ilə çıxış edə bilməyib.
