“Real”ın qapıçısı Tibo Kurtua La Liqanın 16-cı turu çərçivəsində, “Santyaqo Bernabeu”da “Selta” ilə oyunda 0:2 hesablı məğlubiyyət haqda danışıb.
Sportinfo.az xarici KİV-ə istinadən xəbər verir ki, o, bu nəticəyə görə çox məyus olduğunu bildirib:
“Baş verənlərdən çox məyus oldum. Özümüzü toparlamalıyıq. Şikayət etməyin vaxtı deyil, düzgün nəticə çıxarmalıyıq”.
Belçikalı qolkiper qapıya gələn 5 zərbədən 3-nü dəf edib. Madrid klubu 64-cü dəqiqədə Fran Qarsiyanın qırmızı vərəqə alması səbəbindən on nəfərlə qalıb və Alvaro Karreras isə 92-ci dəqiqədə meydandan kənarlaşdırılıb.
