“Barselona”nın idman direktoru Deku komandanın müdafiəçisi Ronald Arauxo ilə bağlı yaranan psixoloji problemlərə dair suallara qısa cavab verib.
Uruqvaylı Çempionlar Liqasında “Çelsi” ilə matçda (0:3) aldığı qırmızı vərəqədən sonra kəskin ictimai tənqidə məruz qalıb və bu, onun psixoloji durumuna ciddi təsir göstərib.
Klub futbolçunun nə qədər müddət yaşıl meydanlardan uzaq qalacağını açıqlamayıb.
Sportinfo.az xarici KİV-ə istinadən xəbər verir ki, Deku bu mövzuya geniş şərh vermək istəmədiyini bildirib:
“Arauxonun problemləri barədə açıq danışmaq istəmirəm. Onunla şəxsi söhbətimiz olub, vəssalam”.
Arauxo cari mövsümdə “Barselona”nın heyətində 15 oyuna çıxıb və 2 qol vurub.
