“Barselona”nın hücumçusu Robert Levandovski “Fənərbaxça”ya keçməkdən imtina edib.
Bundan əvvəl 37 yaşlı forvardın transferi ilə bağlı İstanbul klubunun danışıqlar apardığı bildirilirdi.
Sportinfo.az xarici KİV-ə istinadən xəbər verir ki, polşalı futbolçu yanvarda “Fənərbaxça”ya keçməyə razılıq verməyib.
İddia olunur ki, o, ən azı cari mövsümün sonunadək “Barselona”da qalmaq niyyətindədir.
Levandovski bu mövsüm bütün turnirlərdə 14 matçda iştirak edib və 8 qol vurub. Onun “Barselona” ilə müqaviləsinin müddəti gələn ilin yayında başa çatacaq.
