“Barselona” rəhbərliyi yeni mərkəz hücumçusu ilə bağlı qərar verib.
Sportinfo.az “Mundo Deportivo”-ya istinadən xəbər verir ki, Kataloniya klubu “Atletiko”nun hücumçusu Xulian Alvaresi transfer etməkdən imtina edib.
Klub “Bayern”in futbolçusu Harri Keyni transfer etmək üçün bütün səylərini əsirgəməyəcək.
Eyni zamanda, ingilis futbolçunun transferi “Barselona”ya daha ucuz başa gələ bilər. Keynin “Bayern”lə müqaviləsində 65 milyon avroluq sərbəstqalma maddəsi var.
32 yaşlı hücumçunun Münhen klubu ilə müqaviləsinin müddəti 2027-ci ilə qədərdir.
