“Barselona”nın sabiq prezidenti Xuan Qaspar Lionel Messinin komandaya mümkün qayıdışı barədə danışıb.
Sportinfo.az AS-a istinadən xəbər verir ki, o, həm dostcasına tövsiyəsini verib, həm də azarkeş baxımından situasiyanı şərh edib:
“Bilmirəm, “Barselona” onu “İnter Mayami”də aldığı qədər maaşla saxlaya biləcək, ya yox.
Mən Leoya qayıtmağı məsləhət görməzdim – bu, dostcasına tövsiyəmdir. Amma azarkeş baxımından baxsaq, bu, əlbəttə maraqlı addım olardı”.
Messi 2005–2021-ci illərdə “Barselona”da çıxış edib. Onun “İnter Mayami” ilə müqaviləsinin müddəti 2028-ci ilin dekabrına qədərdir.
38 yaşlı futbolçunun bazar dəyəri 18 milyon avro qiymətləndirilir.
