İspaniya Milli Məhkəməsi millinin futbolçusu Cennifer Hermosonu öpən İspaniya Kral Futbol Federasiyasının (RFEF) keçmiş rəhbəri Luis Rubialesə hökm oxuyub.
Sportinfo.az xəbər verir ki, bu barədə EFE agentliyi məlumat yayıb.
Bildirilib ki, Rubiales 10 min 800 avro cərimə ödəməli olacaq. Bundan əlavə, ona bir il müddətində Hermosoya 200 metrdən yaxın məsafədən yaxınlaşmaq qadağa olunub.
Məlumata görə, sabiq Federasiya rəhbərinin 2,5 il müddətinə həbs olunması istənilirdi.
İspaniyanın İngiltərəni məğlub etdiyi (1:0) DÇ-2023 finalından sonra keçirilən mükafatlandırma mərasimində millinin qələbəsinə sevinən Rubiales Hermosonu qucaqlayıb və dodaqlarından öpüb.
Futbolçunun şikayətindən sonra cinayət işi açılıb. Tənqidlərdən sonra vəzifəsindən istefa verib.
Həmçinin Rubiales üç il müddətinə milli və beynəlxalq səviyyədə futbolla bağlı bütün fəaliyyətlərdən uzaqlaşdırılıb.
