“Real”ın keçmiş hücumçusu Xames Rodriqes bildirib ki, vaxtı ilə PSJ və ya "Mançester Siti" klublarından birinə keçə bilərmiş.
Sportinfo.az xəbər verir ki, “Madrid Xtra”ya danışan kolumbiyalı həmin anları belə xatırlayıb:
“PSJ və "Mançester Siti" məni transfer etmək istəyirdilər - daha çox pul təklif etdilər, amma Florentino Pereslə söhbətdən sonra "Real"ı seçdim.
Məndən soruşdu: "Pul istəyirsən, yoxsa şöhrət?"
Mən ikinciyə üstünlük verdiyimi dedim, o da işin həll olunduğunu söylədi. “Real”da oynamağı çox istəyirdim.
Həm də həqiqətən bu komandanı şöhrət üçün seçmişdim".
"Sao Paolo"nun 32 yaşlı futbolçusu 2014-2020-ci illərdə "Real"da çıxış edib.
