“İnter”in müdafiəçisi Stefan de Vrey qış transfer pəncərəsində klubunu dəyişə bilər.
Sportinfo.az xəbər verir ki, bu barədə “Football Insider” məlumat yayıb. 33 yaşlı futbolçu ilə Premyer Liqa təmsilçisi “Nottingem Forest” maraqlanır.
De Vreyin “İnter”lə müqaviləsinin müddəti yayda başa çatacaq. Niderland millisinin baş məşqçisi Ronald Kuman isə ona dünya çempionatına düşmək üçün müntəzəm oyun praktikasına ehtiyac duyduğunu bildirib.
Bu səbəbdən, niderlandlı futbolçunun qışda “Nottingem Forest”ə icarəyə yollanması mümkündür.
De Vrey 2018-ci ildən Milan klubunun heyətində çıxış edir. O, cari mövsümdə bütün turnirlər üzrə 5 matça çıxıb.
.png)
