“Çelsi”nin sabiq baş məşqçisi Roberto Di Matteo komandanın 18 yaşlı hücumçusu Estevaonun gələcəkdə top-səviyyəli futbolçu olacağını bildirib.
Sportinfo.az xarici KİV-ə istinadən xəbər verir ki, italiyalı mütəxəssis, braziliyalı oyunçunun yaşına görə çox yetkin göründüyünü vurğulayıb:
“Klublararası dünya çempionatında onu “Palmeyras”da izlədim. Amma İngiltərəyə, yeni ölkəyə, yeni dilə və yeni mühitə gəlib bu qədər yaxşı başlamaq bir az təəccüblü oldu.
Onunla tanış olduqdan sonra anlayırsan ki, çox sadə və təvazökar bir gəncdir. Yanında əla bir ailə var, buna görə də Londonda, “Kobham”da çox yaxşı yerləşdi.
O, inanılmaz oyunçudur. İlk dəfə onu ABŞ-da gördükdə dedim: “Vau, bu xüsusi istedaddır”.
Hələ çox gəncdir və inkişafı tədricən gedir, amma çox bacarıqları və keyfiyyətləri var. O, yalnız güclənəcək və gələcəkdə top-klass futbolçu olacaq”.
Estevaonun komandası UEFA Çempionlar Liqasının 4-cü turunda Bakıda “Qarabağ”ın qonağı olub – 2:2.
Oyunda komandasının ilk qolunu da məhz Estevao vurmuşdu.
.png)
