“Mançester Siti”nin yarımmüdafiəçisi Savio (Savinyo) qış transfer pəncərəsində klubdan ayrılmağa yaxın ola bilər.
Sportinfo.az “Football Insider”-ə istinadən xəbər verir ki, braziliyalı vinger gözləntiləri doğrultmadığı üçün “şəhərlilər” yanvarda gələcək sərfəli təklifləri nəzərdən keçirməyə hazırdır.
21 yaşlı futbolçu klub tərəfindən 50 milyon funt sterlinqə (təxminən 57 milyon avro) qiymətləndirilir.
Savioya ən ciddi marağı isə yenidən “Tottenhem” göstərir. London klubu onu artıq yayda transfer etməyə cəhd etmişdi.
Savio cari mövsümdə Pep Qvardiolanın komandasında 15 oyuna çıxıb, 1 qol vurub və 2 məhsuldar ötürmə verib. Onun “Mançester Siti” ilə müqaviləsinin müddəti 2031-ci ilə qədərdir.
.png)
