“Mançester Siti”nin baş məşqçisi Pep Qvardiola İngiltərə Premyer Liqasının son çempionu “Liverpul”un yaşadığı çətinliklər barədə danışıb.
“Qırmızılar” hazırda turnir cədvəlinin 12-ci pilləsində qərarlaşıb və lider “Arsenal”dan 11 xal geri qalır.
Sportinfo.az xarici KİV-ə istinadən xəbər verir ki, jurnalistlər Qvardiolaya “Mançester Siti”nin ardıcıl çempionluqları fonunda “Liverpul”un titulu qorumaqda aciz qaldığını xatırladıb.
İspaniyalı mütəxəssis isə bunu öz komandasının üstünlüyü ilə izah edib:
“Bəli, bu, bizim uğurlarımızın nə qədər unikal olduğunu göstərir. Çempionlar adətən qalibiyyətdən sonra eniş yaşayır, amma biz yox.
Biz zirvədə qalmağı bacarırdıq. Bunun üçün nə lazım olduğunu yaxşı bilirəm, böyük təcrübəm var”.
“Mançester Siti” hazırda Premyer Liqada turnir cədvəlinin 3-cü pilləsində qərarlaşıb.
“Liverpul” cari Çempionlar Liqası mövsümündə “Qarabağ”ın rəqiblərindən biridir.
.png)
