“Əl-İttihad” “Liverpul”un hücumçusu Məhəmməd Salahı transfer etmək niyyətindədir.
Sportinfo.az xəbər verir ki, Səudiyyə Ərəbistanı klubu 31 yaşlı futbolçuya görə 90 milyon avrodan çox pul xərcləməyə hazırdır.
Klub rəhbərliyi hesab edir ki, onların nəzərdə tutduğu məbləğ “qırmızılar”ın baş məşqçisi Yurgen Kloppu da razı sala bilər.
“Liverpul” ərəblərin Məhəmməd Salah üçün göndərdiyi təklifi qəbul etsə, onun keçidi Səudiyyə Ərəbistanı liqası tarixində reallaşan ən bahalı transfer olacaq (bonuslar nəzərə alınmayacaq).
