“Mançester Yunayted” və “İnter” nəhayət ki, kamerunlu qapıçı Andre Onananın transferi ilə bağlı razılığa gəliblər.
Sportinfo.az xəbər verir ki, müqavilə 51+4 milyon avro təşkil edəcək. Klublar ötən gecə yekun razılığa gəliblər.
Bir müddət əvvəl Onana artıq “Mançester Yunayted”lə şəxsi müqavilənin şərtlərini razılaşdırmışdı.
Onun Mançester klubu ilə müqaviləsi 2028-ci ilə qədər nəzərdə tutulub.
Transferin bu gün rəsmən açıqlanmayacağı gözlənilir. Çünki klublar hələ bəzi detalları razılaşdırmalıdır.
