Britaniyalı milyarder Cim Ratkliff tezliklə “Mançester Yunayted”i ala bilər.
Sportinfo.az xəbər verir ki, bu barədə “Sky Sports” məlumat yayıb.
İş adamı klubda pay sahibi olmaq istəyir. Ratkliff, eyni zamanda, “Nitsa” və “Lozana”nın sahibidir.
Mançester klubunun bazar dəyəri 5 milyard funt-sterlinq olaraq qiymətləndirilir.
Malkolm Qleyzer 2005-ci ilin mayında “Mançester Yunayted”i satın almışdı. Onun 2014-cü ildə vəfatından sonra klubun sahibi varisləridir.
