İngiltərənin "Vulverhempton" klubu heyətini yeni futbolçu ilə gücləndirib.
Sportinfo.az xəbər verir ki, Premyer Liqa təmsilçisi "Sportinq"dən Mateus Nunesi transfer edib.
"Vulverhempton" 23 yaşlı dayaq yarımmüdafiəçisi ilə 5+1 illik müqavilə imzalayıb. Portuqaliyalı üçün Lissabon təmsilçisinə 45+5 milyon avro təzminat ödəniləcək.
Mateus Nunes "Sportinq"ə 2019-cu ilin yanvar ayında "Eştoril"dən transfer olunub.
Portuqaliya millisinin üzvü son mövsümdə komandanın heyətində meydana çıxdığı 50 matçda 4 qol və 5 məhsuldar ötürmə ilə yadda qalıb.
.jpg)
