.jpg)
“Liverpul”un sabiq futbolçusu Ceymi Karrager Məhəmməd Salahla bağlı situasiyaya münasibət bildirib.
Sportinfo.az xəbər verir ki, Karrageri Salahla yeni müqavilə bağlanmamağı narahat edir.
O, misirli oyunçunun məvacibinin artırılmalı olduğunu bildirib:
“Yay transfer dönəmində “Liverpul” yeni futbolçuların alınmasına çox pul xərcləmədi. Amma əvəzində xeyli oyunçu ilə müqavilələr yeniləndi. Amma hələ ki, Mo ilə müqavilə uzadılmayıb.
Əlbəttə, Salah məvacibinin artırılmasını istəyir. Deyim ki, bunu haqq edir. O, “Liverpul” üçün etdiklərinə görə Premyer Liqanın ən ödənişli futbolçularından biri olmağa layiqdir.
Salah demək olar ki, zədələnmir və ildən-ilə də komandanın əsas bombardirinə çevrilir. Dəqiqdir ki, Salah “Liverpul” tarixinin ən yaxşı oyunçuları sırasında yer alacaq.
Futbolçu daha çox qazanmaq, klub daha az ödəmək istəyir. İnanıram ki, kompromis variant tapılacaq və Salah daha çox məvacib alacaq”.
.jpg)
