Premyer Liqanı tərk edən ilk klub müəyyənləşdi

18 Aprel 15:20 İngiltərə 633
Premyer Liqanı tərk edən ilk klub müəyyənləşdi

"Şeffild Yunayted" İngiltərə Premyer Liqası ilə vidalaşan ilk klub olub.

Sportinfo.az xəbər verir ki, bu, XXXII turun "Vulverhempton"la səfər oyunundan sonra müəyyənləşib.

Pol Hekinqbottonun baş məşqçi olduğu kollektiv 0:1 hesabı ilə uduzaraq, 14 xalla axırıncı pillədə qalıb. "Şeffild Yunayted" sona 6 tur qalmış Premyer Liqada yerini qorumağa imkan verən 17-ci pillədən 19 xal geri qalır.

Mövsüm ərzində 17 qol vurub 56 top buraxan komandanın ən yaxşı bombardiri irlandiyalı Devid Makqoldrikdir. Makqoldrikin aktivində cəmi 6 top var.

Habelə "Vest Bromviç Albion" (24 xal) ilə "Fulhem" (26 xal) də Premyer Liqanı tərk etmə zonasındadırlar. Əvəzində "Norviç"in Çempionşipdən Premyer Liqaya vəsiqəni vaxtından əvvəl təmin etdiyi müəyyənləşib.

Daha əvvəl Səudiyyə Ərəbistanı şahzadəsi Musaad ibn Xalid əl-Səud "Şeffild Yunayted"in Direktorlar Şurasının sədri vəzifəsindən ayrılıb.

Digər Xəbərlər
Xəbər Lenti