Kosovonun paytaxtı Priştina şəhərində 18 yaşa qədər qızlar arasında keçirilən basketbol üzrə Avropa çempionatı C Divizionunda millimizin ilk qrup oyunu baş tutub.
Sportinfo.az xəbər verir ki, B qrupunda qərarlaşmış millimizin ilk rəqibi Albaniya olub.
Oyuna sürətli başlayan qızlarımız rəqib üzərində 72-53 hesablı qələbə qazanıb.
Qarşılaşmanın ən məhsuldar basketbolçusu millimizin üzvü Angelina İsmayılova (21 xal, 4 ribaund) seçilib.
Millimizin qrupdakı növbəti oyunu 24 iyul Bakı vaxtı ilə saat 19:00-da Gürcüstan yığmasına qarşı olacaq.
