Azərbaycan millisinin hücumçusu Renat Dadaşovun formasını geyindiyi “Hatayspor” Türkiyə Superliqasında 37-ci turun oyununa çıxıb.
Sportinfo.az xəbər verir ki, komanda səfərdə “Beşiktaş”la üz-üzə gəlib.
"Beşiktaş" görüşdə məğlubiyyətdən son anda xilas olub. Qarşılaşma 2:2 hesab ilə başa çatıb.
Renat da bu görüşün iştirakçısı olub. 24 yaşlı hücumçu 72-ci dəqiqədə Karlos Strandberqin əvəzinə meydana daxil olub.
"Hatayspor" sona 1 tur qalmış turnir cədvəlində 38 xalla17-cidir. 56 xalı olan "Beşiktaş" isə 5-ci pillədə qərarlaşır.
"Beşiktaş" - "Hatayspor" 2:2
Qollar: Fernandeş, 50, Abubakar, 90+7-pen. - Matondo, 26, Dele-Başiru, 55
