Premyer Liqanın 19-cu turu bəzi məşqçi və futbolçular üçün tamaşa meydanı olacaq.
6-sə futbolçu, 1-i baş məşqçi olmaqla 7 nəfər oyunlarda iştirak edə bilməyəcək.
Bunlar “Neftçi”dən Freddi Varqasla İqor Ribeyro, “Qarabağ”dan Marko Yankoviç, “Şamaxı”dan Rikardo Apolinario, “Karvan-Yevlax”dan Elvin Yunuszadə, “Sumqayıt”dan Keffel Resende və “Qəbələ”nin çalışdırıcısı Kaxaber Tsxadadzedir.
Futbolçuların hər biri sarı vərəqə limitini doldurduğu halda, Tsxadadze 16-cı turda “Qarabağ”lı oyunda qeyri-etik ifadələr işlətdiyinə görə 4 oyunluq cəzanı çəkir.
Fevralın 8-də “Sabah” – “Araz-Naxçıvan”, “Sumqayıt” – “Zirə”, ertəsi “İmişli” – “Kəpəz”, “Turan Tovuz” – “Karvan-Yevlax”, fevralın 10-da “Şamaxı” – “Qarabağ”, “Neftçi” – “Qəbələ” görüşləri baş tutacaq.
HƏBİB / SPORTİNFO.AZ
.jpg)
