.jpg)
“Formula-1” Azərbaycan Qran-prisinə tamaşa etmək üçün Bakıya gələn turistlərin hər biri ölkəmizdə orta hesabla 3000 dollar pul xərcləyir.
Sportinfo.az xəbər verir ki, bunu Trend-ə Azərbaycan Turizm Assosiasiyasının sədri Əhməd Qurbanov deyib.
Onun sözlərinə görə, “Formula-1” yarışına baxmağa gələnlər adətən maddi imkanları yüksək olan fanatlardır.
“Formula-1” yarışına baxmaq üçün Bakıya gələn turistlər daha çox beşulduzlu hotellərdə qalır, ölkənin digər turizm imkanlarından istifadə edirlər.
Pandemiya dövründə müəyyən məhdudiyyətlər olduğu üçün ölkəmiz “Formula-1” yarışlarından çox da gəlir əldə edə bilmədi. Bu il keçiriləcək “Formula-1” Azərbaycan Qran-prisinə gələcək turistlərin sayı isə ən azından 2019-cu ildəki qədər olacaq”.
Ə.Qurbanov bildirib ki, “Formula-1” yarışları paytaxtda keçirildiyindən turistlər əsasən Bakıda qalırlar:
“Əvvəlki illərdə apardığımız monitorinqlərə əsasən deyə bilərik ki, həmin turistlər paytaxtın turistik yerlərində, ictimai-iaşə obyektlərində kifayət qədər pul xərcləyirlər.
“Formula-1” yarışları ilə əlaqədar əsasən Avropadan turistlərin gələcəyi gözlənilir. İyunun ilk ongünlüyündə ölkəmizdə xarici turistləri tez-tez görəcəyik”, - Assosiasiya sədri vurğulayıb.
