“Bayern” bu mövsüm yaxşı oyun nümayiş etdirən hücumçusu Harri Keynlə müqaviləni uzatmağa ümid edir.
Sportinfo.az xarici KİV-ə istinadən xəbər verir ki, Münhen klubu ingilis futbolçuyla danışıqlara 2026-cı ilin fevralında başlamağı planlaşdırır.
“Bayern” forvardın təkcə müstəsna fiziki xüsusiyyətlərinə deyil, oyununa və texnikasına görə də üstün olduğunu düşünür.
Buna görə də klub, yaşına baxmayaraq, onun uzun illər ən yüksək səviyyədə çıxış etmək potensialına malik olduğuna inanır.
32 yaşlı futbolçunun “Bayern”lə hazırkı müqaviləsinin müddəti 2027-ci ilin ortalarına qədərdir.
