Dortmund “Borussiya”sının müdafiəçisi Niko Şlotterbek gələcəyi ilə bağlı fikirlərini bölüşüb.
Sportinfo.az “Sky Sport”-a istinadən xəbər verir ki, almaniyalı futbolçu “Borussiya”da olmaqdan zövq aldığını bildirib:
“Mənim müqaviləmin müddəti hələ təxminən il yarım qüvvədədir. Yaxın vaxtlarda klub rəhbərliyi ilə masa arxasında oturub hər şeyi müzakirə edəcəyik.
Burada, “Borussiya”da olmaqdan çox zövq alıram. Oyunumdan və atmosferdən razıyam.
Burada qalmaq üçün heç bir maneə görmürəm, amma bu, vacib qərar olacaq”.
25 yaşlı müdafiəçiyə daha əvvəl “Real” və “Bayern” tərəfindən maraq göstərildiyi bildirilirdi. O, cari mövsümdə Almaniya Bundesliqasında 4 oyunda iştirak edib.
