“Bayern”in və Almaniya millisinin sabiq futbolçusu Jerom Boatenq karyerasını məşqçi kimi davam etdirmək niyyətindədir.
Sportinfo.az xarici KİV-ə istinadən xəbər verir ki, o, yaxın zamanda Münhen klubunda təcrübə keçəcəyini bildirib:
“Tezliklə “Bayern”ə qayıtmalıyam. Orada Vensan Kompaninin (hazırkı baş məşqçi) rəhbərliyi altında təcrübə keçəcəm.
Artıq bu mövzu ilə bağlı onunla danışmışıq. Prosesi səbirsizliklə gözləyirəm. İndi yalnız uyğun vaxtı müəyyənləşdirmək qalır”.
Boatenq 2011–2021-ci illər aralığında “Bayern”in heyətində çıxış edib. O, Almaniya millisində 76 oyun keçirib və 1 qolla yadda qalıb.
