“Bayern”in müdafiəçisi Dayot Upamekano karyerasını “Real”da davam etdirmək istəyir.
Sportinfo.az xəbər verir ki, bu barədə “Marca” nəşri məlumat yayıb.
26 yaşlı futbolçu artıq bu istəyini menecerinə çatdırıb və agent potensial transfer üzərində işləməyə başlayıb.
“Real” hazırda başqa hədəflərə yönəlsə də, Upamekanonun keçidi ehtimal kimi masada qalır.
Fransalı müdafiəçinin adı hələ “Bayern”ə transfer olunmazdan əvvəl də “kral klubu” ilə əlaqələndirilirdi. İndi isə o, arzusunu reallaşdırmaq və “Real”a qoşulmaq niyyətindədir.
Upamekanonun “Bayern”lə hazırkı müqaviləsinin müddəti 2026-cı il iyunun 30-na kimidir.
