“Leyptsiq” klubu tənəzzül davam edir və bu, baş məşqçi Marko Rousun mümkün əvəzlənməsi ilə bağlı şayiələrə səbəb olub.
Sportinfo.az xarici KİV-ə istinadən xəbər verir ki, Rousun istefaya göndəriləcəyi təqdirdə, baş məşqçi postuna namizədlərdən biri hazırda işsiz olan “Mançester Yunayted”in sabiq çalışdırıcısı Erik ten Haqdır.
“Leyptsiq” Bundesliqanın turnir cədvəlində 4-cü yerdədir. Çempionlar Liqasında vəziyyət daha pisdir.
5 matçda xalsız qalan almanlar liqa mərhələsində turnir cədvəlinin sonuncu pilləsində qərarlaşıb.
“Leyptsiq” sabah Almaniya kubokunun 1/8 finalında evdə Frankfurt “Ayntraxt”ını qəbul edəcək.
