“Bayer” (Leverkuzen) qış transfer pəncərəsində hücumunu gücləndirməyi planlaşdırır.
Sportinfo.az xəbər verir ki, buna səbəb Leverkuzen klubunun hücumçusu Viktor Bonifasenin zədələnməsidir.
Nigeriyalı futbolçu ən azı daha bir neçə həftə futbol oynamayacaq.
Bonifase ötən yay 20,5 milyon avroya Belçikanın “Union” klubundan “Bayer”ə keçib. O, bu mövsüm Almaniya klubunun heyətində bütün turnirlərdə 23 oyun keçirib və 16 qol vurub, 8 məhsuldar ötürmə edib.
