Yann Sommeri "Bavariya"ya satan "Borussiya" heyətini yeni qapıçı ilə gücləndirib.
Sportinfo.az xəbər verir ki, Münhenqladbax təmsilçisi "Monpele"dən Yonas Omlini transfer edib.
"Borussiya" isveçrəli qapıçı ilə 2027-ci ilin yayına kimi nəzərdə tutulan müqavilə imzalayıb. 29 yaşlı "əlcək sahibi" yeni klubunda 1 nömrəli forma ilə çıxış edəcək.
Yonas Omlin "Monpelye"yə 2020-ci ilin yayında "Bazel"dən transfer olunmuşdu.
Təcrübəli qapıçı cari mövsümdə Fransa klubunun heyətində 14 rəsmi matçda meydana çıxıb. O, 3 qarşılaşmada qapısını toxunulmaz saxlamağı bacarıb.
