İzmirin Kamalpaşa Ümran Baradan İncəsənət Gimnaziyasının Musiqi şöbəsinin 15 yaşlı şagirdi Alisya Ünsalın boyun nahiyəsində anadangəlmə olan artıq qabırğanın qola gedən əsas sinir şəbəkəsini sıxması nəticəsində yaşadığı ağrılar İzmir Şəhər Xəstəxanasında həyata keçirilən əməliyyatla sona çatdı.

Sol qolundakı kilitlənmə və qıcolmalar (təqəllüslər) səbəbindən pianino çala bilməyəcək vəziyyətə gələn Ünsal: "Pianino çala bilmədiyim üçün çox kədərlənirdim. Əməliyyatdan sonra yenidən çalmağa başladım", - dedi.

Çiğli rayonunda yaşayan və qabiliyyət imtahanı ilə qazandığı Kamalpaşa Ümran Baradan İncəsənət Gimnaziyasının Musiqi şöbəsinin 10-cu sinif şagirdi Alisya Ünsal 4 yaşında başladığı pianinonu sol qolundakı şiddətli ağrılar səbəbindən çala bilməyəcək vəziyyətə gəldi.

Boyun nahiyəsində anadangəlmə var olan artıq bir qabırğanın qola gedən əsas sinir şəbəkəsini sıxması nəticəsində narahatlıq keçirən və ilk olaraq ödem ilə sinir sıxılması diaqnozları qoyulan Alisya, müalicədən nəticə ala bilməyincə İzmir Şəhər Xəstəxanasına müraciət etdi.

Əl Cərrahiyyəsi Klinikasının mütəxəssislərindən olan uzman doktor Rüstəm Cəlil və komandası tərəfindən aparılan müayinə və yoxlamalardan sonra 8 sentyabrda əməliyyat olunan Alisyanın boyun nahiyəsindəki artıq qabırğa cərrahi əməliyyatla xaric edildi.

"Pianino çaldığım zaman qolum düşürdü"

Xəstəlik prosesini və yaşadıqlarını danışan Alisya Ünsal: "Pianino çalmağa 4 yaşımda başladım. O vaxtlar bir narahatlığım yox idi. Lakin 3 ildir ki, bu ağrı məni narahat edir.

Əvvəlcə 'Ödem var' dedilər, qolumda meydana gəldi, daha sonra qıcolmalara yol açdı. Ən son Rüstəm müəllimi tapdıqda bu narahatlıq və onurğadakı sümük ortaya çıxdı. Ağrı mənim sol qolumda idi.

Narahatlıq tam boyun tərəfimdə olduğu üçün qolumu çox istifadə edə bilmirdim. Pianino çaldığım zaman qolum düşürdü və ovucumun içində qıcolmalar olurdu. Həmçinin 4 və 5-ci barmağımda belə kilitlənmələr, əsmələr olurdu, amma hazırda heç bir problemim yoxdur", - deyə bildirdi.

"Sıxılma (sinir sıxılması) var" dedilər"

Daha əvvəl bir çox xəstəxanaya getdiyini qeyd edən Ünsal sözlərinə belə davam etdi:

"Pianino çalmağa 4 yaşımda başladım. Əvvəllər heç bir narahatlığım yox idi. Lakin 3 ildir ki, bu ağrı məni rahatsız edirdi. İlk olaraq qolumda bir keyimə, sıxılma hiss etdim.

Qolum qıcolurdu. Sanki boynumdan çəkilirmiş kimi olurdu. Həm də öz bədənimi əyri hiss etməyə başladım. İzmir Şəhər Xəstəxanasına gəlməzdən əvvəl çox xəstəxana gəzdim.

'Ödem var', 'Sinir sıxılması var' dedilər. Sarğı verdilər, 'Ödem keçdi', 'Yaxşısan' dedilər, amma sonra daha çox ağrı verincə mən də Şəhər Xəstəxanasına gəldim.

Çox ağrım olduqda heç nə edə bilmirdim. Qolumun üstünə belə uzana bilmirdim. Sadece ağrıkəsici içirdim.

Əməliyyatdan əvvəl nəsə olacaq deyə çox qorxurdum. Çünki tam boynumda, kürək sümüklərimə qədər ağrısı var idi.

Amma əməliyyatdan çıxdıqdan sonra, ilk bir gün xəstəxanada qaldığımda ağrım olmadı. Yavaş-yavaş ağrım olur, lakin əvvəlki qədər şiddətli bir ağrı deyil".

"Məktəbdən kənarlaşdırılacağımdan qorxurdum"

Alisya Ünsal təhsili ilə bağlı da: "Bu narahatlıq ucbatından məktəbdən kənarlaşdırılacağam qorxusunu yaşadım. Məktəbim qabiliyyət imtahanı ilə qəbul etdiyi üçün 'Pianino çala bilmirsənsə, bu məktəbdə qalmağın bir mənası yoxdur' deyildi.

Bura əlavə olaraq, bir də qolumu istifadə edə bilməməkdən qorxdum. İlk başlarda səhnələrə çıxırdım. Qolumdakı ağrılar səbəbindən sonradan çıxa bilmədim.

Sadəcə izləməklə kifayətlənirdim. Bu da məni kədərləndirirdi. Lakin əməliyyatdan sonra pianino çalmağa yenidən başladım. Müəllimlərim başda olmaqla hər kəsin inamını hazırda bərpa etmişəm", - deyə danışdı.

"Əlavə qabırğa dediyimiz anatomik quruluş xaric edildi"

Müalicə prosesini və əməliyyat mərhələsini izah edən mütəxəssis həkim Cəlil: "İlk növbədə, hər zaman dərhal əməliyyat məsləhət görülmür.

Əməliyyatdankənar üsullardan ilk olaraq istifadə olunur. Fizioterapiya, ödeməleyhinə müalicələr, sinir sürüşdürmə məşqləri və ya sinirə düşən yükü azaltmaq üçün oynağın ətrafındakı əzələləri möhkəmləndirmək istiqamətində müalicələr aparılır.

Bunlara baxmayaraq, əgər fərdin və ya xəstəmizin şikayəti keçməzsə, biz cərrahlar dövrəyə girib həmin təzyiqi aradan qaldırırıq. Əməliyyatdan öncə xəstəyə müayinələr olundu. Təzyiqin dəqiq harda olduğu lokallaşdırıldı.

Ardınca həmin təzyiq nahiyəsində boyun hissəsindən cərrahi əməliyyat tətbiq olunaraq əlavə sümük, əlavə qabırğa dediyimiz anatomik quruluş xaric edildi", - ifadələrini işlətdi.

"Performans tələb edən anlarda sinir sıxıldıqca ağrı verir"

Əməliyyatı həyata keçirən İzmir Şəhər Xəstəxanası Əl Cərrahiyyəsi Klinikasının mütəxəssislərindən olan Uzman Doktor Rüstəm Cəlil isə qol ağrısı ilə müraciət edən xəstənin əlamətləri az olan bir hal olduğuna diqqət çəkərək: "Təxminən 3 ildir ki, digər müalicə üsullarından çox da fayda görməmişdi.

Bu səbəbdən konsultasiya olundu. Xəstəni müayinə etdiyimiz zaman cəmiyyətdə bəlkə də tez-tez rast gəlinən, lakin simptomları çox az olan - boyunda əlavə qabırğa olması halı ortaya çıxdı.

Bu əlavə qabırğa bəzi şəxslərdə sinirlərə təzyiq edir. Bu, anadangəlmə bir haldır. Lakin sadəcə gündəlik işlərdə və ya performans tələb edən anlar ortaya çıxdıqda sinir təzyiqə məruz qaldığı üçün ağrı şikayəti ilə xəstənin həyat keyfiyyətinə təsir edir.

Normalda insanın döş qəfəsini formalaşdıran qabırğalar döş sümüklərindən çıxır. Lakin xəstəmizdə və ya cəmiyyətdəki bəzi hallarda boyundan da qabırğalar çıxa bilir.

Qolu qidalandıran sinirlər də boyundan çıxır. Boyundan çıxan qabırğa, boyundan çıxan sinirlərə təzyiq göstərir.

Qolun bəzi vəziyyətlərində, xüsusən xəstəmizin halında pianino çalarkən qolda yayılma hiss olunanda bu şiddətli ağrılar ortaya çıxır",- dedi.

"Ağrı eyni zamanda qoruyucu bir refleksdir"

Xəstənin nəzarət altında saxlanılmasına davam edəcəklərini bildirən doktor Cəlil bunlara toxundu:

"Xəstəmiz hazırda danışdığımız və soruşduğumuz qədərilə köhnə ağrılarının qalmadığını ifadə edir. Buna görə də əvvəlki həyatına davam etməsini istəyirik.

Zatən bu qədər müalicəni, əməliyyatı buna görə edirik. Bu cərrahi əməliyyat olunmasaydı, ağrıları davam edərdi.

Ağrı eyni zamanda insanın qoruyucu bir refleksidir. Ağrı olduğu zaman başqa çox bir şey olmaz. Sadəcə vacib olan odur ki, bu dövr gənc fərd üçün həyatının formalaşdığı bir zamandır. Əməliyyat olmasaydı, ağrıları davam edəcəkdi".