Dortmund "Borussiya"sının hücumçusu Erlinq Holand ən yaxşı müdafiəçilər barədə fikirlərini bölüşüb.
Sportinfo.az xəbər verir ki, norveçli oyunçu bununla bağlı "Mundo Deportivo"ya açıqlamasında deyib:
“Düşünürəm ki, dünyanın ən yaxşı üç mərkəz müdafiəçisi Serxio Ramos , Vircil van Deyk və Kalidu Kulibalidir. Üçü də fiziki cəhətdən güclü və eyni zamanda son dərəcə ağıllıdırlar".
Ramos 2005-ci ildən "Real"da oynayır. Bu mövsüm ispan müdafiəçi La Liqanın 12 matçında iştirak edib və 2 qol vurub. "Liverpul"da çıxış edən van Deyk İngiltərə Premyer Liqasının 5-ci turunda "Everton"la matçda
(2:2) rəqib komandanın qapıçısı Cordan Pikfordla toqquşma nəticəsində zədələnib. Daha sonra ona diz zədəsi diaqnozu qoyulub.
Futbolçunun aprel ayına qədər yaşıl meydanlara qayıtması gözlənilmir. Kulibali isə 2014-cü ildən "Napoli" də oynayır. Bu mövsüm o, İtaliya A Seriyasının 12 görüşündə iştirak edib.