.jpg)
Təmkin Xəlilzadə və İlkin Muradovu dünən transferə çıxaran "Zirə" bu gün heyətinə iki yeni legioner cəlb edib.
"Qartallar" Andriya Lukoviç və Toni Korreya Qomeslə 2 illik müqavilə imzalayıb.
27 yaşlı Lukoviçin transferi haqda ilk xəbəri Sportinfo.az yayıb (https://www.sportinfo.az/idman_xeberleri/zire/147160.html).
Son klubu Portuqaliya “Belenenseş”i olan serbiyalı yarımmüdafiəçi 10 min dollar civarında əməkhaqqı alacaq.
O, daha əvvəl ölkəsinin "Rad", "Bask", "Srvena Zvezda", "Vojdovaç", Polşanın "Rakuv", Portuqaliyanın "Famalikan" klublarında çıxış edib.
23 yaşlı Qomesin son klubu Türkiyə “Menemenspor”u olub. Portuqaliyalı hücumçu daha əvvəl ölkəsinin “Arouka”, Misirin “Haras El-Hadud”, “Tala El-Qaiş”, İngiltərənin “Forest Qrin Rovers” klublarında çıxış edib.
.jpg)