"Bu gün məğlub olmamaq vacib idi" - Rəşad Sadıqov

8 May 22:40 Zirə 437
"Bu gün məğlub olmamaq vacib idi" - Rəşad Sadıqov

"Azersun Arena"dakı matçlarımız uğurlu keçir. Futbolçularıma təşəkkür edirəm. Ağır qrafikdən çıxıblar. Bu gün də uduzmaq istəmirdilər. Kiçik epizodlarımız olsa da, yararlana bilmədik. Final öncəsi bu rəqibə uduzmamaq önəmli idi".

Sportinfo.az xəbər verir ki, bunu "Zirə"nin baş məşqçisi Rəşad Sadıqov səfərdə "Qarabağ" ilə qolsuz heç-heçə etdikləri Premyer Liqanın XXVI tur matçından sonra deyib.

40 yaşlı mütəxəssis rəqibin yaxşı qol imkanları yaxaladığını bildirib: "Bir epizodda top dirəkdən döndü, Anar Nəzirov da əla seyvlər etdi. Bizim üçün 1 xal yaxşı nəticədir. Ötən tur üstün oynasaq da, "Qəbələ"yə uduzduq. Bu gün məğlub olmamaq vacib idi".

Sadıqov bütün fikirlərinin çempionatda olduğunu söyləyib: "Vacib oyunlar keçiririk. Finalda da mübarizəli oyun gözləyirik. Amma qarşımızdakı rəqib "Qarabağ"dır. Yenə deyirəm, hələlik final haqqında düşünmürəm. Sadəcə, bilirəm ki, maraqlı görüş olacaq. Vaxtımız var. "Qarabağ"ın yeganə üstünlüyü rotasiyalar edə bilməsidir. Finala daha rahat hazırlaşırlar. Biz isə bütün gücümüzlə mübarizə aparırıq".

Xəbər Lenti